दीर्घ अंधार पिऊन
गच्च मिटलेले डोळे
आणि हातात उरले
रंग कुणाचे सावळे..
मऊ मेणाहुन व्यथा,
अशी वितळे उरात
माया कुणाची गाठते
माझ्या पापणीचा काठ ?
मन आक्रंदत राही
कुणी ऐकली ना हाक
गेली विझून प्रार्थना
अंधारात आपोआप...
गेले निसटून काय
काय उरले उरात ?
माझे काळीज हरले
सांग कोणत्या भरात ?
एका हाकेच्या ओढीने
सारा थांबला प्रवास
जागोजागी मृगजळ
क्षणोक्षणी फक्त भास...
रित्या हातांत उजेड
घेऊनिया भटकते
अशी आंधळी पौर्णिमा
माझ्यातुन उगवते...
By: via माझं खूप प्रेम आहे तुझ्यावर.....।।
-
Aapli maitri ek phool ahe, Jyala mi todu shakat nahi, Aani soduhi shakat nahi, Karan,todle tar sukun jaail aani sodle... -
तुझ्याबद्दलच्या भावनांनी व्यक्त कसे व्हावे तुझ्यावरती लिहीताना शब्दही अपुरे पडावे तु समोर येताच वाटे मनातील सारे बोलावे तुला गमावण्याच...
कोणत्याही टिप्पण्‍या नाहीत:
टिप्पणी पोस्ट करा