माझं खूप प्रेम आहे तुझ्यावर.....।।'s Post

तुझ्याबद्दलच्या भावनांनी
व्यक्त कसे व्हावे
तुझ्यावरती लिहीताना
शब्दही अपुरे पडावे
तु समोर येताच वाटे
मनातील सारे बोलावे
तुला गमावण्याच्या  भीतीने
शब्दही मागे सरावे
तुझ्यासोबत असताना भीती
न वाटावी इतके जवळ यावे
काही झाले तरी
तू कधीही दुर न व्हावे
प्रेमा आधी मैत्रीचे
अतुट नाते असावे
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

आयुष्याच्या वाटेवर अनेक प्रश्न पडतात त्याची उत्तर मात्र आपल्यालाचं शोधावी लागतात पण उत्तरे सापडायला थोडा वेळ लागू शकतो मात्र प्रत्येक प्रश्ननाला उत्तर हे असचं फक्त आपल्यामध्ये प्रत्येक प्रश्ननाचें उत्तर शोधण्याचा जिज्ञासूपणा असावा लागतो!,,,
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

देखण्या रूपाची तुझ्या
काय किमया सांगु..
जगातील आश्चर्याचा
आठवा नजराना जणू
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

प्रेम

     खरं प्रेम, खोटं प्रेम, स्वार्थी प्रेम, निस्वार्थी प्रेम, लोचट प्रेम आशे आनेक विविध प्रेमाचे प्रकार.पण माझ्या मते प्रेम म्हणजे दोन जीवांनी एकमेकांमध्ये सामावण्यासाठी , एकमेकांचे होण्यासाठी केलेला आट्टाहास. आणि हो प्रेम हे मनावर, ह्रदयावर असावं लागतं शरीरावर नाही. नाहीतर आजकाल शरीरावर प्रेम करणारे भुंगे तर तुम्हाला पावलोपावली भेटतील ,पण खऱ्या अर्थाने तुमचा विचार करणारी , तुम्हाला जीवापाड जपणारी ,तुमच्या सुखदुःखात सामील होणारी शंभरात एखादी व्यक्ती भेटेल. प्रेम हे नजरेनी नजरेशी करायचं असतं, हृदयाने हृदयाशी करायचं असतं ,मनाने मनाशी करायचं असतं.केवळ शरीरसुखासाठी चार दिवस जवळ येणे म्हणजे प्रेम नव्हे.
        प्रेम ही खरतर आत्यंत ओजस्वी ,सकारात्मक ऊर्जा देणारी ,एखाद्या व्यक्तीच्या येण्याने आसमंत उजळून टाकणारी भावना आहे.
        प्रेम हे दुःखात आश्रु पुसणार डोकं ठेवायला खांदा पुढे करणार,सुखात मात्र खांद्यावर घेऊन नाचणार असावं. प्रेम हे कोलमडलेल्या उध्वस्त झालेल्या आयुष्याला पुन्हा रुळावर आणणारं  असावं ,प्रेम हे साथीदाराच्या डोळ्यातील हावभाव टीपणारच नव्हे तर नजरेने मनातलं ओळखणार असावं ,प्रेम हे वेळप्रसंगी तू नाहीतर मी आस म्हणून पुढे चालायला लावणार असावं.
       दोन माणसांनी एकमेकांचे स्वभाव ,मने ,विचार समजावून घेऊन आकर्षण नव्हे मनावर आणि सौंदर्यावर नव्हे विचारांवर मोहित होऊन केलेला आट्टाहास म्हणजे प्रेम.प्रेमात कधी तू त्याची आई होऊन त्याला समजावून घ्याव,कधी त्याने तुझे वडील होऊन तुला समजावून सांगावं,कधी तू त्याला बहीण होऊन माया करावी,कधी त्याने तुला भाऊ म्हणून साथ द्यावी .
       माझ्या मते प्रेम म्हटलं एकमेकांची प्रत्येक गोष्ट आपली .त्याच सुखही तुझंच आणि त्याच दुःखही तुझंच .त्याला झालेला आनंदही तुझाच आणि त्याच नैराश्यही तुझंच.खऱ्या प्रेमाला खरंतर वयाची अट नसते .ना समाजाचं बंधन .दोन व्यक्तींना एकमेकांना जीव लावण्यापासून आडवणारा हा कवडीमोल समाज नेमका आहे तरी काय?आजकाल तरुणाई प्रेमात घात झाला,घरच्यांनी नकार दिला ,समाजाने ठोकरल आत्महत्या करते.पण खरंच आत्महत्या हा तुमच्या नात्याचा शेवट किंवा हे इतकं सोपं त्या समस्येचं उत्तर आसत का हो! उलट अशावेळेस एकमेकांवर खर प्रेम असेलतर एकमेकांना खंबीर साथ देऊन परिस्थितीशी दोन हात करायला ,परिस्थिती नम्रपणे आपण हाताळायला शिकायला हवं!
        आणि हो,प्रेम हे फक्त एकमेकांनी शरीराने सोबत राहण्यात नव्हे तर दूर/लांब असूनही एकमेकांचे आसण्यात आहे.आणि सर्वात महत्वाचं म्हणजे ज्याला प्रेमाचा श्वास म्हणता येईल असा' विश्वास'मात्र दोघांनाही एकमेकांवर असायला हवा.आणि दूर राहूनही जर तो असेल तर मात्र तुमचं प्रेम हे लांब आसूनही तुमचं आख्ख आयुष्य व्यापू शकत.तुम्हाला जगण्याची प्रेरणा देऊ शकत,तुमची सुखदुःख वाटून घेऊ शकत,प्रत्येक गोष्टीत शरीराने नाही पण मनाने तुम्हाला खंबीर साथ देऊन पुढे नेऊ शकत.
        शेवटी एवढच सांगेन प्रेम हे एकमेकांवर नितांत विश्वास आसलेल ,एकमेकांना कायम साथ देणार,मर्यादा पाळणार,दोघांपैकी एकावर जरी वेळ आलीतरी आंगावरच नाही तर शिंगावर घेणार,आयुष्यभर मनाच्या हळव्या कोपऱ्यात एकमेकांना जपणारं,एकमेकांना समजून घेणारं आणि समजून सांगणार असावं.
           
                            
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

खूप काही वाटुनही शब्दांत न बोलता
येणारी भावना नेहमीच मनावर ओझं बनते. इच्छा असूनही न व्यक्त होण्याचा अभिनय जास्त अवघड असतो.
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

सगळ्यांनी साथ सोडली,
तेव्हा माणसं कळली,
थंडीत गरमा गरम चहा प्यायलो,
तेव्हा आयुष्याची मज्जा कळली.
पैसे असताना वेगळी किंमत,
पैसा नसताना वेगळी किंमत,
तेव्हा माणूस म्हणून जगण्याची
खरी गंमत कळली.

By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

प्रेम असो अथवा मैत्री ही नाती फक्त मनातील रूप बघून जपायची असतात कारण माणसांचे बाह्यरूप कधी पण धोका देऊ शकतं मात्र मनाचे सौदर्य कायम नात्यामधील आपुलकीचा ओलावा ठिकवून ठेवतो!
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

तू

तुझे हसणे जणू, शिंपल्यांची रांग।
शुभ्र शुभ्र मोती कसे, खुलून दिसते रांग।।

हळूहळू पाऊल, तुझी नागमोडी चाल।
पाहुन तुझा नखरा, होई सगळ्यांचे हाल।।

कधी एकटक कधी, नजर फिरते भिरभिर।
डोळ्यातून सोडी तू, मदनाचे तिर।।

प्रेमात पडली आणि, झाली तुही वेडी।
तुझ्या संगतीची, मला जडली गोडी।।

तुझ्या सोबत जुळला, प्रेमाचा धागा।
काळजात ठेव तू, मला थोडी जागा।।

अंतरातील हसू तुझ्या, गालावर खुलू दे।
प्रेमाच्या पाळण्यात, आयुष्य झुलू दे।।

तुझ्याविना माझा, क्षण क्षण व्यर्थ।
तुझ्या सोबत म्हणजे, प्रेमाला अर्थ।।

तु जवळ असली की, नको काही वेगळे।
तुझ्या बंद डोळ्यात, स्वप्न आहे सगळे।।
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

कसे घर बांधता येते तुला ह्रदयात हातांनी ?
तुला नक्कीच आहे घडवले निष्णात हातांनी !

कशाला आंधळा हा चाचपडतो रोज तार्यांना ?
कदाचित वाचता येते तयाला रात हातांनी

कुठे वाळूतले किल्ले, कुठे स्वप्नातले इमले
किती उधळून आलो मी, तुझ्या पश्चात हातांनी

ऋणी आहेत काही पापण्या, कायम अशासाठी-
कधीही एकटे ना सोडले दु:खात हातांनी !

मला कळते; तरीही वाटते की तूच सांगावे,
(जसे लाडावलेले मूल नाही खात हातांनी )

नसू दे स्पर्श सोन्याचा, तरीही गर्व आहे की-
बनवल्या ओंजळी नाही उभ्या जन्मात हातांनी !

किती हे पारदर्शी हासणे निद्रिस्त बाळाचे..
कुणी गोंजारते आहे जणू स्वप्नात हातांनी !

जिथे संवादण्याचे संपते सामर्थ्य शब्दांचे,
अशा वेळी धरावे फक्त आपण हात हातांनी..

बनू लागेल आता शस्त्र या प्रत्येक दगडाचे,
सुटू लागेल आता प्रश्न हा रस्त्यात, हातांनी

तसे नास्तिक्य माझे ठाम आहे, मात्र जाणवते..
मला सांभाळले आहे कुण्या अज्ञात हातांनी !!
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

फुला सारखं तू
रोज उमलत जावो...
जगणं तुला हे
रोज उमजत जावो...
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

चेहऱ्यावर हळुवार उमलणार स्मित
स्मितामुळे गालावर खुलाणारी खळी
केसांच्या बटांच गालावर झोका खेळणं
तुझ त्यांना हळुवार मागें सारण
हें मन मोहणार दृष्य मी पाहत बसायचो
तासनतास
आणि अनुभवायचो त्या सुरेख क्षणांना
मी तो हर एक क्षण रेखाटलां आहे
माझ्या काळजाच्या canvas वर
तुझे ते अदृश्य मन
तुझ न उमजणार अल्लड स्वभावचित्र मी चांगलं जाणून आहे
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

दोन शब्द

मोठा माणूस तोच जो आपल्या सोबतच्या माणसांना छोटा समजत नाही !
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

तु कमजोर नाहीस

तू आहेस रणरागिणी
थोड रणांगणात उतरून बघ
किती पोसणार रूढी परंपरेच ओझ
बंध युगायुगाचे तोडून तर बघ

माखली तू अंधश्रद्धेने जमाण्याच्या
ज्ञानाचा कंदील तर लावून बघ
उधळतील चोही दिशा कर्तुत्वाने
अस्तित्व तुझ तूच शोधून तर बघ

घे भरारी उंच तू गगनी
अस्तित्वाची बीज तर रुजवून बघ
कोणाची ओकात तुला रोखण्याची
मनगटात बळ तर साठवून बघ

जरी हसरी तू कोमल लाजरी
मनाने निर्भिड तर होवून बघ
नतमस्तक होईल सारा जमाना
ऐसी मशाल हाती धरून तर बघ
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

मराठी कविता:
तु कमजोर नाहीस

तू आहेस रणरागिणी
थोड रणांगणात उतरून बघ
किती पोसणार रूढी परंपरेच ओझ
बंध युगायुगाचे तोडून तर बघ

माखली तू अंधश्रद्धेने जमाण्याच्या
ज्ञानाचा कंदील तर लावून बघ
उधळतील चोही दिशा कर्तुत्वाने
अस्तित्व तुझ तूच शोधून तर बघ

घे भरारी उंच तू गगनी
अस्तित्वाची बीज तर रुजवून बघ
कोणाची ओकात तुला रोखण्याची
मनगटात बळ तर साठवून बघ

जरी हसरी तू कोमल लाजरी
मनाने निर्भिड तर होवून बघ
नतमस्तक होईल सारा जमाना
ऐसी मशाल हाती धरून तर बघ

प्रियंका धर्माजी जोंधळे
आजरसोंडा ता औंढा नागनाथ जिल्हा हिंगोली.

कशी नाळ तुटते नवी नाळ जुळते
मनातले कधीतरी इशाऱ्याने कळते
मनीची वेदना बदलेले वागणे लगेच टिपते
जवळ घेऊन धीर देत स्वतःच रडते
ङकधी रुसून हलके लटकेच रागवते
कधी मऊ मेणाचे वज्र होत येते
पाण्यासारखी कधी कडा घसरून जाते
कशी शांत गाय वाघीण होते
सहस्र सूर्य झुकवून सौदामिनी चमकते
कधी जीव देते कधी जीव घेते
कित्येक जीव उजळून जीवनी प्रकाश आणते
एकटीने कधी लाखोंशी झुंज देते
मनाने कोमल शब्दांनी हरते
नेमके हिचे वागणे कळतच नाही
सहस्रावधी रुपे रोज बदलत राही
शब्द अपुरे अन् रिता होतो खजिना
जननीचा उपकार हा जीवनी फिटेना
जागतिक महिला दिनाच्या शुभेच्छा
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

मंतरलेल्या ओल्या रात्री
तुझे चांदणे झरझर झरते
माझे 'मी' पण वितळत जाते
तुझे न काही बाकी उरते

तलम रेशमी स्पर्श तुझा तो
गात्रांमध्ये साठवताना
अजूनही का फुलतो काटा
मनात सारे आठवताना

हलके हलके दरवळते मग
मंतरल्या रात्रीचे अत्तर
चंद्र जरासा घुटमळतो अन
श्वास सुगंधी म्हणतो सावर

कुणी अनामिक ओढीने त्या
मोहरल्या रानातुन फिरते ?
मखमालीवर चालत जाता
वाट अनावर धुक्यात विरते

डाळींबासम ओठांनी त्या
दव ओलेते टिपून घेते
विस्कटलेल्या धुंद क्षणावर
खूण तेवढी मागे उरते ...
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

हरवलेल काही

नकोश्या आठवणींची वेडी गाठ आयुष्यभर सोबतीला असते,
पण हव्या असणार्या स्व्प्नांसाठी जगायला कुठेतरी स्व:तचीच हरकत असते...

वेड्या मनाची वेडी समजुत काढताना कितीतरी दमछाक होते ,
हातात असणारे हसुचे पेढे मात्र जड झाल्याची जाणीव होते..

अश्रूंशी जडलेल घट्ट नात आनंदाला कोंडून टाकत,
नकळत संपत जाणार्या आयुष्याला रोजच जगणही कंटाळून जात...
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

एक स्वप्न उराशी घेऊन
त्या स्वप्नाचा पाठलाग करत आहे
वेळ नक्कीच लागेल
कारण ते स्वप्न आजही दूरवर माझी वाट पाहत आहे...
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

गर्दीत उभा राहणे हे
माझे ध्येय नाही,
मला ती व्यक्ती व्हायचंय
ज्याची,
गर्दी वाट बघेल.
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

मैत्री
तुझ्यात आणि माझ्यात असं काय आहे
जे दोघांनाही बाधून ठेवत,
निस्वार्थ भावनेच्या पलीकडे जाऊन
जगण्याला राखून ठेवत,
तू दिवा आहे मी वात,
तू संगीत आहे मी साथ,
माझ्या जगण्याला आकार देणारी,
माझ्या अस्तित्वाला साकार करणारी,
माझी जिवलग मैत्रीण.

जिवलग हा शब्द जरी खूप जवळचा वाटत असला ना तरी त्याला पूर्ण केलं तू,
त्या शब्दाच्या पलीकडे ही जाऊन माझ्या साठी जगलीस तू,
तू सागर आहे मी मोती,
तू समई आहे मी ज्योती,
तुझ्या सोबत आयुष्य भरासाठी मला
बांधून ठेवणारी,
माझ्या पंखांना बळ देणारी,
माझी जिवलग मैत्रीण....
By: via माझं खूप प्रेम आहे तुझ्यावर.....।।

माझं खूप प्रेम आहे तुझ्यावर.....।।'s Post

तू गेल्यावर कळते आहे या देहाच्या पाचोळ्याला
तुझ्याअभावी जगणे म्हणजे शिक्षा आहे आयुष्याला

तुझ्यापासुनी दूर राहतो याचे एकच कारण साधे
मी घाबरतो आहे केवळ माझ्यामधल्या अंधाराला

पूर्ण जायचा जन्म आपला अंगावरती घेउन काटे
कुठे माहिती असते वास्तव रुजण्याआधी निवडुंगाला

मनात माझ्या त्याची वस्ती कायम असते म्हणून बहुधा
एक पोक्तपण आले आहे माझ्यामधल्या नैराश्याला

काटा रुतला पायामध्ये... तिला वेगळे ज्ञान मिळाले
दुनिया संधी शोधत असते अपुला काटा काढायाला

तुला मलाही जाणवते की पूर्ण हरवला आहे आता
काय नेमके झाले आहे अपुल्यामधल्या संवादाला
By: via माझं खूप प्रेम आहे तुझ्यावर.....।।