September 25, 2021 at 11:34PM

जीवनाच्या प्रवाही ..

न येणे न जाणे न हातात काही
कुणी देत नाही कशाचीच ग्वाही
तुझा ठेवला फक्त देवा भरोसा
दिवा सोडला जीवनाच्या प्रवाही

दिव्यासोबतीने दिवा चालताना
सुखाचा दिव्याने दिवा लागताना
प्रवासात आनंदल्या या दिशाही
दिवा सोडला जीवनाच्या प्रवाही

प्रवाहात पाणी, प्रवाहात धोंडे
प्रवाहात तारु कधी भेलकांडे
किनारा दिसेना मना धीर नाही
दिवा सोडला जीवनाच्या प्रवाही

किती मृत्तिकेचे दिवे सोडलेले
शरीरात आत्मे पुन्हा कोंडलेले
अनंता तुला भेटण्या सर्वकाही
दिवा सोडला जीवनाच्या प्रवाही
By: via माझं खूप प्रेम आहे तुझ्यावर.....।।