तुला नको असला तरी मला शेवटचं भेटायचं आहे,
तु कधीच न दिसण्याच्या आधी डोळे भरुन पहायचं आहे...
ठरवलं आहे दोघांनीही की भेटल्यावर डोळ्यात आणायचं नाही पाणी पण,
माहिती आहे भेटल्यावर अश्रुशिंवाय बोलणार नाही कुणी...
खुप काही बोलायचं आहे खुप काही सांगायचं आहे,
मनात साठवलेल्या शब्दाना ओठावर आणायचं आहे...
तुझा शेवटचा चित्र मनात रंगवायचा आहे,
हा चेहरा परत दिसणार नाही म्हणुन मनाला समजवायचं आहे...
जाता जाता फक्त माझी एवढीचं अपेक्षा आहे,
एकदा मिठीत घेऊन तुला अश्रुमध्ये चिंब भिजवायचं आहे.....!
